Miljö – Durch de Lück un durch Jewöhl
Musik und Text: Mike Kremer
“Meine Damen und Herren, bitte machen Sie die Gänge frei und begrüßen Sie mit uns zusammen die Jecken der KG Schlepp Schlepp Hurra! Einmarsch!”
Et kraach un scheppert, „op de Sigg!“,
hurra, jetz kumme mir.
en halve Tonn op jedem Ärm,
su kräftig wie ’ne Stier.
Ihseklötzjer, Hantelstange,
Trööte un en Trumm.
Ejal, wie schwer, dat muss do drop,
Un pass op met d’r Schrumm
Durch de Lück un durch Jewöhl, zur Nud och durch de Wäng.
Huh die Trepp, eraff die Trepp un durch die schmalste Jäng.
Durch dä Himmel, durch die Höll, jo, mer scheue kei Jefahr.
Mir sin die staatse Junge vun Schlepp Schlepp Hurra.
Mir sin die staatse Junge vun Schlepp Schlepp Hurra.
Domet mer nit verhungere deit en Frikadell met Woosch,
met Mettbrütchjer un Kabelschlot, un Kölsch jäje dä Doosch.
Dat es drei Mond uns Frühstück, Meddag un och Ovendbrot,
Mer denk et kaum, am nächste Morje, schmeck dat widder jod.
Refrain
Wenn alles dann verkabelt es, verkrüch mer sich in’t Höttche,
Am Engk vum Saal, janz hinge durch, do süht mer lecker Föttche.
Wenn alles läuf un alles blink, die Musik spillt schön laut,
dann weed dä janze Firlefanz glich widder affjebaut.
Refrain
Phasepröfer? – Han mer nit! Dann pröf mer met d’r Zung.
Wie krich ich jetz dä Dress do huh? – Versöök et ens met Schwung.
Wat es dat? Wat sull dä Quatsch? Wat bruch dä Jeck ‘ne Föhn?
Zwei, dreimol drömjewickelt heh, dann fällt et och nit öm.
Jaadeschlauch op Neutrikstecker, wat wells Do vun mir?
Me’m Equalizer Quetsch jet leiser un Phantom op de vier?
Zo winnig Saff, dä Stecker aff, et Leech jeiht us em Saal.
’ne Käues un jet Droht dobei, uns Werkzeug eetster Wahl.
